Осы аптада Baitursynuly University -не Қытай Халық Республикасы Солтүстік-Батыс ауыл шаруашылығы және орман шаруашылығы университетінің PhD докторы Жанг ПЭНГ келді.
Ғалым жаз кезінде университетке арнайы келіп, тәжірибелік алқаптағы элиталық қытай дақылдарының сорттарын сынау бойынша ауыл шаруашылығы экспериментінің барысын бақылаған болатын. Бұл жолы Жанг Пэнг Baitursynuly University-нің студенттеріне өзінің бейіні (бағыты) бойынша дәрістер оқып, оқытушыларға біліктілікті арттыру курстарын жүргізеді.
Еске сала кетсек, Baitursynuly University өткен жылдан бері ҚХР Солтүстік-Батыс ауыл шаруашылығы және орман шаруашылығы университетімен тығыз ынтымақтастықта. Серіктестік барысында студенттерді оқытудан бөлек, бірлескен ғылыми зерттеулер жүргізу жұмыстары қамтылады.
