Біреу үшін жаз – демалыс уақыты, ал Baitursynuly University археологиялық зертханасы үшін – жұмыстың ең қайнаған кезі! Жақында ғалымдар мен студенттер кезекті қазба жұмыстарынан оралды. Олар жаңа білім, жаңалықтар және, әрине, эмоциялар әкелді.
- Біз Денисов ауданындағы Қамысты қонысын зерттеуді жалғастырдық, - деді ҚӨУ археологиялық зертханасының аға ғылыми қызметкері Ирина ШЕВНИНА. – Бізге шамамен 100 шаршы метр тұрақты қазуға екі жыл қажет болды. Онда үш металлургиялық құдық, екі пеш болды. Металлургиялық процестің көптеген іздері-қождар, керамика және сүйектер. Радиокөміртекті талдау нұсқамызды растады, бұл қоныс біздің дәуірімізге дейінгі XXI-XVIII ғасырларға жатады.
А. Байтұрсынұлы атындағы ҚӨУ археологиялық зерттеулерді Ә.Х. Марғұлан атындағы Археология институтымен бірлесіп өткізеді. Жоғары оқу орындары арасында ынтымақтастық туралы шартқа қол қойылды, соның ішінде бірлескен ғылыми жұмысты да қамтиды.
Зерттеулерге тек ғалымдар ғана емес, студенттер де белсенді қатысуда. Экспедиция қатысушыларының айтуынша, биыл қазба процесіне жаңбыр кедергі келтіріп, қиындық тудырған.
- Су құдықтарды тез толтырады, оны сорғылармен соруға тура келді. Соған қарамастан, олар нәтижелі жұмыс атқарды. Шаршаса да, үйге олжамен оралып отыр.
Жақын арада Baitursynuly University археологтары қайтадан жолға шығады. Бұл жолы – әйгілі Торғай геоглифтеріне барады. Естеріңізге сала кетейік, өткен жылы ғалымдар сенсациялық жаңалық ашты. Олар Қараторғай сақинасынан ер адамдар мен әйелдердің қорғанын қазды, бұл көптеген ақпарат, соның ішінде геоглифтердің жасын анықтауға мүмкіндік берді.
ҚӨУ археологиялық зертханасының қызметкерлері алдын-ала болжамауға тырысады, бірақ басқа қорғандарда (бүгінгі күні тоғызының төртеуі ғана қазылған) әлі де көптеген қызықты дүниелер бар деп үміттенеді.
