Baitursynuly University-нің биолог-студенттері үшін қызықты практикалық сабақ өтті. Олар жаратылыстану ғылымдары кафедрасының оқытушысы Мария РУЛЕВАмен бірге Жеңіс саябағына барып, қыстайтын құстарды есепке алу әдістерін үйренді.
«Орнитология» пәні аясында студенттер далалық күнделік жүргізу дағдыларын меңгеріп, саябақта қыс мезгілінде кездесетін 6 құс түрін анықтай алды.
Құстарға қамқорлық таныту үшін келген студенттер құр қол келмей, оларға азық алып келіп, қоректендіргішті толтырды. КӨУ-нің бақылаушылар клубы Қазақстандағы биоалуантүрлілікті сақтау қауымдастығының «Жылу дәндері» атты игі акциясына бірнеше жылдан бері қатысып келеді.
Студенттер қалалықтарды қыста суық пен азық жетіспеушілігінен қырылып қалатын құстарға көмектесуге шақырады. Қыстап қалған құстарды азықтандырып, оларға көктемді көруге мүмкіндік беріңіздер!
