Бүгін ел Президенті Қасым-Жомарт Кемелұлы Тоқаев Ұлттық қоғамдық сенім кеңесінің отырысында сөз сөйледі. Күн тәртібіндегі басты мәселе білім беру жүйесі болды.
Мемлекет басшысының айтуынша, бұл экономиканың маңызды саласы болып табылады. Білім беру жүйесінің алдында, дайындық деңгейіне қарамастан, жастарды тәрбиелеу, кәсіби кадрларды даярлау және елдің адами капиталының деңгейін арттыру міндеті тұр.
Осыған байланысты қызметті одан әрі жетілдіру мәселелері аса маңызды болып табылады. Бұл үшін теңдессіз шаралар қабылдануда. 2025 жылға дейін мемлекет білім беруге алты есе көп, ал ғылымға жеті есе көп қаражат бөлуді жоспарлап отыр. Білім беру гранттарының орташа құны 340-420 мың теңгеден 1 млн теңгеге дейін ұлғайтылады.
Сонымен қатар, Президент докторанттардың шәкіртақы мен жұмысқа орналастырудың өзекті мәселелерін атап өтті. Енді докторанттардың шәкіртақысы 150 мың теңгеге дейін ұлғайтылады.
Әрине, бұл шаралар жоғары білімнің одан әрі дамуына оң әсер етіп, университеттерге жауапкершілік жүктейді.
Қазірдің өзінде алдымызға екі дипломды бағдарламаларды, жоғары оқу орындарының профессорлық-оқытушылық құрамының және студенттер сыртқы және ішкі академиялық ұтқырлығын дамыту бойынша міндеттер қойылды. Осыған байланысты, біз Қазақстанның және шетелдердің жетекші университеттерімен бірлесіп, екідипломды білім беру бағдарламаларын дайындау бойынша жұмысты бастадық және 2021-2022 оқу жылында бағдарламаларды енгізуді жоспарлап отырмыз.
Іргелі зерттеулермен айналысатын ғылым мен ғылыми ұйымдарды қолдауға ерекше көңіл бөлінді, олар бір жолғы гранттық конкурстардың нәтижелеріне қарамастан үздіксіз жүзеге асырылуы тиіс. А. Байтұрсынов атындағы ҚМУ Қолданбалы биотехнология ҒЗИ мал азығы мен мал шаруашылығы өнімдерінің сапасын талдау зертханасының рөлі осы контексте аса маңызды.
Бізді мемлекетіміздің білім беру жүйесін реформалау мен жаңғырту бойынша үлкен жұмыс күтіп тұр. Тек бірге жұмыс істей отырып, біз оның деңгейін көтеріп, әлемдік аренаға шығара аламыз. Ол үшін бізде барлық қажетті ресурстар бар.
