Гранттарды беру ережелері өзгертілді. Тиісті қаулыға премьер-министр Асқар Мамин қол қойды. Осы жылдан бастап гранттар бұрынғыдай оқыту тіліне байланысты болмайды. Гранттардың санына келетін болсақ, биыл республикалық бюджет есебінен мамандарды даярлауға мемлекеттік тапсырыс өткен және бұрынғы жылдағыдай өзгеріссіз қалды:
- Бакалавриат үшін – 51 164 грант және медициналық мамандықтар үшін 2700, барлығы – 53 864 грант (өткен жылы 53 785). Мемлекеттік ресурстардың
10%-ы «Серпін-2050» бағдарламасының қатысушыларына бөлінеді;
- магистратураға – 13,300 (өткен жылы 13 179);
- докторантура үшін – 2335 (өткен жылы 2315).
Гранттар тек республикалық бюджеттен ғана емес, сонымен қатар аймақтық бюджеттен де бөлінеді. Алдын ала мәліметтер бойынша, жергілікті әкімдіктер биыл 2 мың грант бөлуді жоспарлап отыр.
Айта кету керек, гранттар жоғары оқу орындарына емес, жоғары балл жинаған талапкерлерге беріледі. Абитуриент қандай оқу орнын таңдаса, сол университет мемлекеттік тапсырысты алады.
2020 жылдан бастап ҰБТ-дан жоғары балл алған түлектерге қағаз емес, электронды сертификат беріледі. Гранттар беру ережелерінде жаңа тұжырымдама пайда болды, ол – білім беру грантын беру туралы электронды куәлік. Бұл үміткердің бірегей деректері бар, ҰБТ баллдарын ресми растайтын және Ұлттық тестілеу орталығының сайтында жарияланған электрондық құжат.
Республикалық бюджет есебінен гранттар тағайындау үшін комиссия құрылады. Осы жылдан бастап оның құрамына үкіметтік емес ұйымдар (ҮЕҰ) кірді. Комиссия құрамына кіретін өкілдер:
- Қазақстан Республикасы Білім және ғылым министрлігі және басқа да мемлекеттік органдар;
- азаматтық қоғам институттары;
- үкіметтік емес ұйымдар;
- «Атамекен» Ұлттық кәсіпкерлер палатасы;
- жоғары оқу орындарының қауымдастықтары;
- ЖОО ректорларының кеңесі.
Жергілікті бюджет есебінен гранттар тағайындау үшін жергілікті атқарушы органдардың комиссиясы құрылады, оның құрамына үкіметтік емес ұйымдардың өкілдері де кіреді. Комиссия құрамына кіреді:
- жергілікті атқарушы органдардың қызметкерлері;
- үкіметтік емес ұйымдардың өкілдері;
- «Атамекен» Ұлттық кәсіпкерлер палатасының өкілдері;
- азаматтық қоғам институттарының өкілдері.
