Қазақстан Республикасы Президентінің кеңесшісі Мәлік Отарбаев Қостанайға жұмыс сапары барысында күзде орнатылған Міржақып Дулатов ескерткішіне тағзым етті.
Гүл қою салтанатты рәсіміне Baitursynuly University басшылығы мен оқытушылары қатысты. Бұл игі бастаманы өңірдің өзге жоғары оқу орындарының өкілдері де қолдады.
Міржақып Дулатов – қоғам қайраткері, ақын, жазушы, XX ғасырдың жалынды көсемсөз шеберлерінің бірі. 1885 жылы Жанкелді ауданы, Торғай облысында дүниеге келген.
20 қыркүйекте Қостанай өңірінде Міржақып Дулатовтың 140 жылдық мерейтойы кең көлемде, жоғары дәрежеде аталып өтті.
