Білім алушылардың академиялық ұтқырлығы білім беру сапасын жақсартуға, ғылыми зерттеулердің тиімділігін арттыруға, сыртқы және ішкі интеграциялық байланыстарды орнатуға ықпал ететін Ахмет Байтұрсынұлы атындағы ҚӨУ қызметінің басым бағыттарының бірі болып табылады.
2024 жыл
«Академиялық мобильдік бағдарламасы аясында мен Польшаның Лодзь қаласында орналасқан Лодзь университетінде оқуға мүмкіндік алдым. Бұл тәжірибе мен үшін кәсіби және тұлғалық тұрғыдан жаңа мүмкіндіктер ашты.
Лодзь университеті жоғары деңгейлі білім беруді және оқытудың заманауи әдістерін ұсынады. Мұндағы оқытушылар өз салаларының нағыз мамандары ғана емес, сонымен қатар студенттерге күрделі тақырыптарды түсінуге әрқашан дайын. Дәрістер мен семинарлар ағылшын тілінде өткізілді, бұл менің тіл білу дағдыларымды жетілдіруге мүмкіндік берді. Сонымен қатар, оқу барысында практикалық тапсырмаларға, жобалық жұмыстарға және топтық презентацияларға ерекше назар аударылды. Бұл командалық жұмыс пен ақпаратты өз бетінше іздеу дағдыларын дамытуға көмектесті.
Лодзь университетінде оқу түрлі мәдениеттер мен дәстүрлер өкілдерімен танысуға мүмкіндік береді. Университет көптеген елдерден келген студенттерді қабылдайды, бұл халықаралық өзара қарым-қатынас үшін ерекше атмосфера қалыптастырады. Мен көптеген жаңа достар тауып, Еуропа, Азия және Африкадан келген студенттермен тәжірибе алмасуға мүмкіндік алдым.
Сонымен қатар, Польшадағы географиялық орналасуыняң арқасында Еуропа елдеріне саяхаттау мүмкіндігі туды. Бос уақыттарда мен Германия, Чехия, Швеция және Дания сияқты елдерге барып, олардың мәдениетімен, сәулетімен және дәстүрлерімен таныстым. Бұл сапарлар менің дүниетанымымды кеңейтіп, ұмытылмас әсер қалдырды. Қысқы демалыс кезінде Франция мен Бельгия елдеріне сапар жоспарлап отырмыз.»
«Польшада алмасу бағдарламасы бойынша оқу – мен үшін үлкен тәжірибе болды. Ағылшын тілім күнделікті қарым-қатынас пен оқу барысында айтарлықтай жақсарды. Әртүрлі елдерден достар тауып, жаңа көзқарастарды түсініп, ашық әрі икемді бола бастадым. Өзін-өзі қамтамасыз етуге үйрену маңызды өмірлік дағдыларды меңгеруге көмектесті, ал поляк мәдениетімен танысу қызықты әрі танымдық болды. Бұл тәжірибе мені тек академиялық тұрғыдан ғана емес, жеке тұлға ретінде де өсірді. Егер алмасу бағдарламасына қатысу мүмкіндігіңіз болса, міндетті түрде пайдаланыңыз – бұл өмірді өзгертетін мүмкіндік.»
«Ахмет Байтұрсынұлы Университеті 2024-2025 оқу жылының алғашқы семестрін Польшаның ең үлкен қалаларының бірінде орналасқан Лодзь Университетінде өткізуге мүмкіндік берді. Шетелде білім алу әрбір студенттің арманы екені сөзсіз, университет бағдарламасы арқылы мен арманы орындалған студенттердің бірі атандым. Лодзь университетінде білім алушылар үшін барлық жағдай жасалған : заманауи технологиялармен жабдықталған кабинеттер, дәмді асхана, үлкен аудиториялар, білікті мамандар. Ең бастысы әлемнің түкпір-түкпірінен келген келген адамдармен тілдесу мүмкіндігі. Лодзь Университеті біз сияқты халықаралық студенттерге тұрақты түрде түрлі іс-шаралар, жиындар ұйымдастырып тұрды. Соның арқасында басқа елдегі өмірге бірден үйренісіп кеттік.
Польшаның Еуропалық Одақ мүшесі екендігі белгілі. Бұл біз үшін осы Одақтың басқа мүше елдеріне еркін саяхат жасауға жол ашты. Демалыс уақытын пайдаланып, Қазақстаннан келген студенттермен Германия, Чехия және Венгрия елдеріне саяхаттадық. Бұл бағдарлама тек қана білім алуға емес, сондай-ақ әлеммен танысып, көптеген тәжірибе жинауға көмектесті. Керемет мүмкіндік үшін Университет қабырғасындағы Халықаралық бөлімге алғысым шексіз.»
2022 жыл
«Біз 2022 жылдың қыркүйегінде университеттің арқасында академиялық мобильдік бағдарламасы аясында Польшада оқуға мүмкіндік алдық. Оқыту Лодзь қаласының Лодзь университетінде өтті. Бізден басқа сол бағдарлама бойынша келген басқа да көптеген халықаралық студенттер болды. Университет тарапынан келушілер үшін кездесулер, кеңестер ұйымдастырылды. Әр факультеттің өз көмекшісі болды. Ол пәндерді таңдауға және біздің барлық тілектерімізді ескере отырып, жіберуші университеттің оқу жоспарына сәйкес өтініштерді толтыруға көмектесті.
Осы университетке деген сүйіспеншілігімнің бірнеше себептерін атап өткім келеді. Біріншісі - профессорлық - оқытушылық құрам және олардың студенттерге деген құрметі. Екіншісі - үлкен ғимарат. Және бір өзі мен оқитын филология факультетіне арналған.
Бос уақытымызда, демалыс немесе мереке күндері біз жақын маңдағы Еуропалық Одақ елдеріне баруға, көптеген қызықты адамдармен танысуға, мұражайларға баруға мүмкіндік алдық. Сонымен қатар айына бір рет әр түрлі елдердің студенттері мәдени іс-шаралар ұйымдастырып, өз елдері мен мәдениеттері туралы таныстыру презентацияларын өткізді. Бұл үшін арнайы ұлттық тағамдар дайындалып, әр студент өз елі мен мәдениеті туралы айтып берді. Әрине, біз, Қазақстаннан келген студенттер де шетте қалмадық.
Студенттік өмір өте қарқынды болды, сабақтар қызықты болды.
Оқу кезеңінің соңында, кері ұшуға тура келгенде аздап көңілсіз болдық. Қызықты және жарқын әсерлерге толы алты ай артта қалды, ал біздің алдымызда үй, қымбатты достар күтіп тұрды. "Қонақта жақсы, ал үйде одан да жақсы".
Мен өмірлік дағдыларды тексеріп, жайлылық аймағынан шыққысы келетіндердің барлығына осы бағдарламаны ұсынар едім. Тәжірибе орасан зор. Семестр керемет университетте өтті, білім жоғары деңгейде берілді. Ал қаланың эстетикасы күн сайын қуантады. Бағдарламаның тағы да бір жақсы жағы - студенттер өздерін басқа жерде және басқа жағдайда сынап көреді, мінезін тексереді. Бұл біздің өміріміздегі ең қарқынды алты ай болды, әлем туралы идеяларды өзгертті, көптеген әсерлер мен ақпарат берді, сонымен қатар туған үйге деген сүйіспеншілікті арттырды.
Біз университетімізге берілген мүмкіндік үшін, шетелдегі оқу кезінде көрсеткен қолдауы үшін өте ризамыз! Бөлім директоры болған Мақсат Амантайұлына ерекше алғыс айтқым келеді.»
