Чужинов атындағы экономика және құқық институты кәсіптік бағдар беру шеңберінде қалыптасқан онлайн-кездесулер дәстүрін жалғастыруда. Бүгін Өзбекстан Республикасы Навои облысы Учкудук ауданының оқушыларымен онлайн телекөпір өтті.
Кездесуді Чужинов атындағы Экономика және құқық институтының директоры Әлібек Табылденов жүргізді. Әлібек Нұрмағамбетұлы оқушылар назарына институт туралы ақпаратты ұсынды, жүзеге асырылып жатқан білім беру бағдарламалары, оқытудың артықшылықтары және жұмысқа орналасу перспективалары туралы айтты. Содан кейін сөз директордың тәрбие ісі жөніндегі орынбасары Орал Такировқа берілді, ол жоғары сынып оқушыларын оқу ақысы үшін жеңілдіктер жүйесімен таныстырды. Сондай-ақ, Орал Мұхтарұлы университет қабырғасындағы студенттердің өмірі туралы, студенттік өзін-өзі басқару және студенттік клубтартар туралы ақпарат берді.
Кездесуге институт кафедраларының өкілдері де қатысты, олар өздерінің білім беру бағдарламаларына қатысты сұрақтарға жауап берді.
