31 қаңтар күні В.Двуреченский атындағы Ауылшаруашылығы институтының Ветеринариялық медицина кафедрасы кәсіптік бағдар беру жұмысы аясында Тобыл қаласының ауылшаруашылық колледжінің түлектері үшін «Жануарлар патологиясы» ветеринариялық пәні бойынша шеберлік сыныбын өткізді. Шеберлік сыныбын профессор, ветеринария ғылымдарының докторы Александа Тегза, Ветеринариялық медицина кафедрасының оқытушысы, ветеринария ғылымдарының магистрі Гүлмира Яблокова жүргізді. Сондай-ақ «Догма» ветеринарлық клиникасының жетекші маманы, қарқынды терапия дәрігері Марья Ночевная «Клиникалық диагностика», «Хирургия» туралы айтып, өз әжірибесімен бөлісті. Студенттер шеберлік сыныбы барысында жануарларға клиникалық тексеру, диагностика және хирургиялық операциялардың жүргізілуі, сондай-ақ мал мәйіттерін зерттеу кезінде құжаттамаларды ресімдеу үлгілерімен танысты.
Ауылшаруашылығы колледжінің түлектерімен өткен шеберлік сабағының соңында ветеринариялық медицина кафедрасының меңгерушісі Марат Әубәкіров пен кафедраның кәсіптік бағдар беру жұмысына жауапты маманы Жүрсін Сыздықов дөңгелек үстел ұйымдастырып, талапкерлермен ақпарат алмасты.
Колледж түлектері аталмыш іс-шараны ұйымдастырған университет оқытушыларына алғыстарын білдірді. Олар жоғарғы білім алуға А.Байтұрсынов атындағы Қостанай өңірлік университетіне түсуге ниетті екендіктерін білдірді.
