Құрметті студенттер, А.Байтұрсынов атындағы Қостанай өңірлік университеті TOP-10 сыйлығына байқау жариялайды.
Конкурстың мақсаты - интеллектуалды, шығармашылық, спорттық, ғылыми іс-шараларда, облыстық, республикалық және халықаралық деңгейлерде ерекше жетістіктерге қол жеткізген жоғары оқу орындарының белсенді студенттерін көпшілікке танымал ету.
Байқауға қатысам деушілер мамыр айының 13-22 аралығында қажетті құжаттарды жинақтап Жастар ісі бойынша комитетке тапсыруы қажет (Жастар ісі бойынша комитеттің мекен-жайы: Абай көшесі, 28; 236 каб.)
TOP-10 сыйлығына А.Байтұрсынов атындағы ҚӨУ-нің мәдени-ағарту жұмыстарында, сонымен қатар және жастар саясатын жүзеге асыру саласында жоғары нәтижелерге қол жеткізген 3-5 курс студенттері үміткер бола алады.
Сыйлық келесі бағыттар бойынша беріледі:
- білім және ғылым саласындағы жетістіктері үшін;
- мәдениет және өнер саласындағы жетістіктері үшін;
- спорт саласындағы жетістіктері үшін;
- жас көшбасшыларға.
Осыған дейін TOP-10 сыйлығын алған студенттер байқауға қатыспайды.
Жеңімпаздарды арнайы құрылған комиссия мүшелері анықтайтын болады.
Байқау ережесімен толығырақ сілтеме бойынша өтіп, таныса аласыздар. →
