А.Айтмұхамбетов атындағы Инженерлік-техникалық институтының ITIGAME командасы «Наурыз Мейрамы» мерекесіне арналған «KSK Nauryz Fast Cup» Counter Strike: Global Offensive Студенттік киберспорт турнирінде 2 орынға ие болды. Турнир онлайн-форматта өтті, тек ақтық ойын LAN форматында Қостанай құрылыс колледжі ғимаратында өтті. Ұйымдастырушылар: Қостанай құрылыс колледжі және Қостанай облысының сыбайлас жемқорлыққа қарсы қызметі.
Финалда оқу ордамыздың ITIGAME командасы Қостанай құрылыс колледжінің AYAZ командасына ғана есе жіберді. Турнирге Қостанай облысының жоғары оқу орындары мен колледждерінің 12 мықты деген командалары қатысты.
Бұл сайыс математика және статистика мамандығының 3 курс студенті Сейіл Заманбек бастаған университет командасы үшін алғашқы ауқымды турнир болды. Клуб жақынды құрылған, алайда бір жылдан астам уақыт бойы осындай турнирлерге қатысып келе жатқан командалар арасында екінші орынды иелену – бұл үлкен жетістік!
