14 сәуірде барлық санитарлық-эпидемиологиялық шараларды сақтай отырып, оффлайн форматта А.Байтұрсынов атындағы ҚӨУ ректорының кубогы үшін КВН ойыны өтті. Ойын екі конкурстық кезеңдер, сәлемдесу және биатлон сайыстарынан тұрды.
Оқу ордамыздың институттарының әзілкеш студенттерінен құрылған Аниме», «Балдёж», «ИП РФ», «50 оттенков женского» командалары өзара бақ сынасты. Кеш қонақтары – Челябі мемлекеттік университетінің командасы.
Сайыс қызықты да тартысты өтті. Команда мүшелері жақсы дайындықпен келгендерін көрсетті. Кештің жүргізушісі «Дэнди» КВН командасының мүшесі, үздік квнші – Руслан Пушкарев болды.
Әділ қазылардың әділ шешімімен ҚӨУ-нің ректоры кубогы «Аниме» командасына табысталды. Үздік актер номинациясына «Балдеж» командасының мүшесі Сергей Зайка, ал үздік актриса номинациясына «50 оттенков женского» командасының мүшесі Кристина Канц лайық деп танылды.
