Жыл сайын дәстүрлі түрде өткізілетін «NUR OTAN» партиясының кубогына арналған республикалық пікірсайыс турнирі биыл да жалғасын тапты. Наурыз айының 28-і күні Қостанай облысының пікірсайысшылары арасында «NUR OTAN» партиясы Қостанай филиалының ауыспалы кубогына өңірлік іріктеу дебат турнирі өткізілді. Финалға жолдама алу үшін облыстың бірнеше оқу орындары бақ сынады: Федоров ауылшаруашылық колледжі, Рудный политехникалық колледжі, М.Дулатов атындағы ҚИнЭУ, Қостанай автомобиль көлігі колледжі және А.Байтұрсынов атындағы ҚӨУ.
Республикалық пікірсайыс турниріне университетіміздің студенттері белсенді қатысып, барлық жүлделі орындарға ие болды.
Орыс лигасы бойынша:- 1 орын - Диас Ержанов және Азамат Қамза (Ахмет ұрпақтары клубы)- 2 орын - Арман Башир және Николай Боголюбов (Ахмет ұрпақтары клубы) - 3 орын - Әділ Мұсабаев және Павел Гордок (Ахмет ұрпақтары клубы)Финалистер - Глеб Герт және Айбек Асқаров (Ахмет ұрпақтары клубы).Үздік спикер - Ержанов Диас (Ахмет ұрпақтары клубы). Қазақ лигасы бойынша: - 1 орын - Айгерім Төлепова (Ахмет ұрпақтары клубы) және Нұрымжан Қайырғали (Парасат клубы) - 2 орын - Қарагөз Мақатова және Рахат Сейітқан (Парасат клубы) - 3 орын - Анель Пимичева және Дильназ Омарова (Парасат клубы) Финалистер – Мұратхан Шүйіншібаев және Сымбат Асқарова (Ахмет ұрпақтары клубы)Үздік спикер – Нұрымжан Қайырғали (Парасат клубы).Жеңімпаз командалар 10-11 сәуірде Алматы қаласында өтетін «Нұр Отан» партиясының ауыспалы кубогы үшін тартысқа түсетін республикалық турнирге аттанады.
Айта кететін жайт, «NUR OTAN» партиясының кубогы – республика деңгейіндегі ең ірі пікірсайыс турнирі. Жүлде қоры – 2 000 000 теңге.
