А.Байтұрсынов атындағы ҚӨУ-і студенттерінің бейне-ролигі Республика көлемінде өткен байқауда 3-орынға ие болды. Ғылым және жоғары білім министрлігі 20 қазан мен 3 қараша аралығында, Республика күні қарсаңында TikTok әлеуметтік желісінде «Менің республикам – менің жерұйығым» байқауын жариялаған болатын. Сайыс жоғары оқу орындары студенттері арасында өтті.
Байқаудың мақсаты – әлеуеті жоғары дарынды жастарды анықтау және қолдау үшін жағдай жасау, сондай-ақ патриотизм мен Отанға деген сүйіспеншілікті тәрбиелеу.
Челленджге қатысқан студенттер TikTok-қа Отанға деген сүйіспеншілікті, тәуелсіздік кезеңіндегі жетістіктерді, халықтың мәдени құндылықтарын, мемлекеттік рәміздерді құрметтеуді, өзінің оқу орнының әлеуетін көрсететін бейнеролик жасауы тиіс болды.
Бейнероликтерді жоғары оқу орындарына еш қатысы жоқ үш адамнан тұратын комиссия бағалады.
Конкурсқа қатысу үшін жеке түсірілім кадрларынан немесе интернет ресурстарынан алынған бейнеролик түріндегі материалдарды қолдануға рұқсат берілді.
Қостанай өңірлік университетінің студенттері оқу орнына есімі берілген ұлт ұстазы, ағартушы, халық жанашыры Ахмет Байтұрсынұлы туралы бейне-ролик түсірді. Байқау қорытындысына сәйкес ҚӨУ-нің бұл жұмысы үздіктер қатарынан табылып, үшінші орынды жеңіп алды. ҚӨУ-нің TikTok- house белсенділерін лайықты жүлделерімен құттықтаймыз!
Бейне-роликті төмендегі сілтеме арқылы өтіп, тамашалай аласыздар:
