Бүгін шымырлық пен шеберлік күнін мерекелеу аясында «Табыстың 7 қыры» атты іс-шара өтті, оны П.И.Чужинов атындағы Экономика және құқық институты «Қостанай» велоқауымдастығы үкіметтік емес ұйымымен бірлесіп ұйымдастырды. Оған 300-ден астам қонақтар: серіктестер, студенттер, қала мектептері мен колледждерінің оқушылары қатысты.
Институт басшылығы іс-шара қонақтарын университеттің бас ғимаратының фойесінде домбыра үнімен қарсы алды, қонақтарға бауырсақ пен тәттілер ұсынылды.
Іс-шара барысында «Velosalon.kz» велосипедтердің демонстрациялық көрмесі ұйымдастырылды, велосалон өкілдері велотехниканың 20-ға жуық түрін таныстырды, велосипедтің қандай да бір моделінің артықшылықтары мен басымдықтары туралы айтты.
Әрі қарай, іс-шаралар секциялар бойынша өткізілді:
"Асық ату" ұлттық ойын секциясына келгендердің саны өте көп болды және оған әр түрлі жастағы ойыншылар қатысты, ойынды халық ағарту ісінің үздігі, асық атудан Қазақстанның үш дүркін чемпионы Серікбай Жиеналин өткізді.
«Асық ату» бойынша турнирдің жеңімпаздары:
1 орын - Сабина Ахметова (1 курс, есеп және аудит);
2 орын - Дильназ Мырзағалиева (1 курс, менеджмент);
3 орын - Әлия Досмакова (есеп және менеджмент кафедрасының аға оқытушысы).
«Рухани жаңғыру - болашаққа бағдар» дөңгелек үстелінің спикерлері – Қостанай облысы бойынша «Рухани жаңғыру» жобалық кеңсесінің жетекшісі Нұрбек Әбдібеков және «Қостанай» велоқауымдастығының төрағасы Бауыржан Тибеев. Аталмыш секция жұмысының нәтижесі бойынша 1 курс журналистер тобы марапатталды.
Халықаралық деңгейдегі спорт шебері, тау велосипедінен Қазақстан Республикасының чемпионы, тау велосипедінен Қазақстан ұлттық құрамасының бас жаттықтырушысы Артем Головащенко және велоспорт шеберіне үміткер, велосипедпен саяхаттаушы Виктор Русяев «Ерлік сабақтары» дөңгелек үстелінде велосипедпен сапарлары туралы айтты. «Ерлік сабақтарының» жеңімпаздары – «Құқықтану» мамандығының 1 курс студенттері Шыңғыс Әбенов пен Ангелина Куделюк.
«Табысқа жетелейтін жол» дөңгелек үстелінің спикерлері – Қостанай облысы «ГрИн» азаматтық альянсының төрағасы Динара Өтебаева, «First Heartland Jỳsan Bank» АҚ филиалының директоры Алена Ким және «Каз Консалтинг» ЖШС-нің директоры, «Қостанай» велоқауымдастығы төрағасының орынбасары Қанат Сағымбаев өмірін, жұмысты ұйымдастыру тәжірибесімен бөлісті және жетістікке жету жолдары туралы әңгімеледі.
Бұл бөлімнің жеңімпаздары – Елена Беленкая (1 курс, есеп және аудит), Валерия Лошитская (1 курс, менеджмент) және Екатерина Талиева (1 курс, психология).
«Экосервис-2030» ЖШС-нің директоры Виталий Сиухов «Идеядан бизнесті қалай жасауға болады?» дөңгелек үстел жұмысының аясында студенттерге идеяны бизнеске айналдыру, табыс табу және бизнесті қалай дұрыс құру керек екендігі туралы әңгімелеп берді.
Спикер «Қаржы» мамандығының 1 курс студенті Илья Шрайберді жоғары белсенділігі үшін атап өтті.
Халықаралық гроссмейстер, Қазақстан балалар мен жасөспірімдер құрамасының бас бапкері, жерлесіміз Петр Костенкомен "Бір мезгілде ойнау сеансы" шахмат блицтурнирі ерекше құмарлықпен өтті, жас шахматшыларға гроссмейстермен өз күштерін сынауға бірегей мүмкіндік туды.
⠀Турнир қорытындысы бойынша гроссмейстермен ойнау үшін 10 шақырым жүріп өткен "Менеджмент" мамандығының 2 курс студенті Николай Ратканов марапатталды. Петр Евгеньевич Николайға Netflix-тің "Патшайымның жүрісі" атты танымал мини-сериалының желісі бойынша жасалған бірегей шахмат жиынтығын табыс етті. Бұл жинақ Еуропада танымал, бүгінгі таңда бұл Қазақстандағы жалғыз осындай шахмат жиынтығы.
Іс-шара соңында секция жеңімпаздары марапатталып, А.Байтұрсынов атындағы ҚӨУ мен «Қостанай» велоқауымдастығы арасында «Өзара түсіністік және ынтымақтастық туралы» келісімге қол қойылды.
