Бүгін университет ректоры Сейітбек Қуанышбаев оқу орны студенттері мен қызметкерлерін қабылдады. Олар өздерін толғандыратын мәселелермен оқу орны басшысымен бөлісіп, ұсыныстарын жеткізді. Студенттер білім гранттары, студенттік жатақханаға байланысты сауалдарын қойды, сонымен қатар студенттік клубтар мен университет бірлестіктерінің жұмысына қатысты ұсыныстарын айтты. Ректор ұсыныстардың біразы Ғылыми кеңесте қаралады, өйткені егжей-тегжейлі зерттеуді қажет етеді, ал кейбірі жақын арада шешімін табады деді.
Университетте Қоғамдық қабылдау бөлмесі тұрақты жұмыс істейтін болады. А.Байтұрсынов атындағы ҚӨУ-нің Қоғамдық қабылдау бөлмесінің негізгі миссиясы – университет қызметін жетілдіруге қатысты студенттерден, оқытушылар мен қызметкерлерден кері байланыс алу.
А.Байтұрсынов атындағы ҚӨУ-нің Қоғамдық қабылдау бөлмесі мына мекенжайда орналасқан:Қостанай қ., Тәуелсіздік к-сі, 118 (Пединститут ғимараты), 126 каб.
Телефондар: 8-7142 -53-11-71, ұялы тел.: 8-775-968-10-36
