А.Байтұрсынов атындағы Қостанай өңірлік университеті дәстүрлі ТОП-10 байқауын жариялайды, оның басты мақсаты – аймақтық, ұлттық және халықаралық деңгейде ғылымда, шығармашылықта, спортта, жастар саясаты саласында белгілі бір жетістікке жеткен студенттерді анықтау, қолдау және олардың еңбегін мойындау. Сондай-ақ студенттің көшбасшылығы және әлеуметтік қызметі де ескерілетін болады.
ТОП-10 байқауына 3-5 курс студенттері қатыса алады, алайда, талап бойынша, бұған дейін ТОП-10 жүлдесін алған студенттерге қайта қатысуға шектеу қойылады. Марапаттар келесі номинациялар бойынша өтеді:
- білім және ғылым саласындағы жетістіктері үшін;
- мәдениет және өнер саласындағы жетістіктері үшін;
- спорттағы жетістіктері үшін.
Байқауға қатысуға ниет білдіргендер құжаттарын жинап, 17-30 қараша аралығында Жастар ісі жөніндегі комитетке тапсыруы қажет (Жастар ісі жөніндегі комитеттің мекенжайы: Абай көшесі, 28; 236 каб.).
Жеңімпаздарды арнайы құрылған комиссия мүшелері анықтайды.Байқауға қатысу шарттары, байқау кезеңдері және қатысушы сауалнамасымен СІЛТЕМЕ бойынша өтіп, таныса аласыздар.
