А.Байтұрсынов атындағы Қостанай өңірлік университетінің Ғылыми кітапханасының кітап қоры жеке өсу, психология, өнер салалары бойынша әлемнің үздік 100-ден астам әдебиеттерімен толықты. Кітаптарды танымал қазақстандық меценат Азамат Утенов сыйға тартты.
Азамат - кәсіби қаржыгер, «Enactus Kazakhstan» директорлар кеңесінің мүшесі, «Reading Club» жобасының негізін қалаушы. Ол өзі де кітап оқығанды жақсы көреді. Азамат Утенов ҚР жоғарғы оқу орындарына кітап сыйлайды, студенттермен кездесіп, жастарды кітап оқуға баулиды.
