А.Айтмұхамбетов атындағы инженерлік-техникалық институтының Математика кафедрасында 2 курс студенттерінің ұйымдастыруымен «Тәуелсіздік таңы атты» тақырыбында ашық тәрбие сағаты өтті. «Математика» мамандығының қазақ бөлімі студенттері және кураторлар, кафедра оқытушылары Доспулова У.К., Фазылова А.А., Алимбаев А.А., Асқанбаева Г.Б. қатысқан тәрбиесі мен тағылымы мол ашық сабақта қазақ халқының жері, болашағы үшін жас өмірін жалау еткен қазақтың ұл-қыздары Қайрат Рысқұлбеков, Ербол Спатайұлы, Ләззат Асанқызы, Сәбира Мұхамеджанқызының есімдері аталып, олардың ерліктері туралы айтылды. Тәуелсіздіктің қадір-қасиеті әнге қосылды, жыр шумақтары нақышына келтіріліп оқылды, видеороликтер көрсетілді.
