22 қараша күні Дене шынықтыру және спорт теориясы мен практикасы кафедрасының меңгерушісі Гульфия Сафаргалиева, кафедраның аға оқытушылары Дидар Жұмекенова, Гүлім Тасболатовамен бірге Түрік ғалымы, PHD доктор, Ыбырай Алтынсарин туралы ең алғашқы түрік тіліндегі кітаптың авторы Экрем Аянмен кездесу ұйымдастырды. Кездесуге А.Байтұрсынов атындағы Қостанай өңірлік университетінің Әлеуметтік мәселелер және тәрбие ісі жөніндегі проректоры Нұрлыхан Темірбеков, филология ғылымдарының кандидаты, ақын, ҚР жазушылар одағының мүшесі Серікбай Оспанов, Ыбырай Алтынсарин атындағы Қостанай облыстық мемориалдық мұражайының директоры Марғұлан Оспанов, сондай-ақ «Дене шынықтыру және спорт», «Туризм» мамандығының студенттері қатысты.
Кездесу барысында қазіргі таңдағы білім және ғылым мәселелері, екі елдің байланысы, шет мемлекеттердегі магистратура жайында әңгіме өрбіді. Студенттер өздерін толғандырған сұрақтарын қойып, кері байланыс орната білді. Шетелдік қонақ Түркия мемлекетіндегі студенттердің тағылымдамасы, магистратураға түсу мәселелері жөнінде сұрақтарға жауап берді.
Кездесу соңында кафедра меңгерушісі Гульфия Сафаргалиева келген қонақтарға алғыс білдірді, болашақта ҚӨУ-нің студенттерін халықаралық жобаларға тартуды ұсынды.
