П.Чужинов атындағы Экономика және құқық институтының экономика, қаржы және бухгалтерлік есеп кафедраларының ұйымдастыруымен «Түлектерді жұмыспен қамту: тенденциялар мен перспективалар» тақырыбында онлайн-семинар өтті. Іс-шараға институттың студенттері мен оқытушылары және шақырылған қонақтар қатысты.
Спикерлер: «Қазақстан Халық Банкі», «Сбербанк», First heartland Jysan bank, «Банк ЦентрКредит» АҚ-ның Қостанайдағы филиалдарының өкілдері, «Қостанай қаласы бойынша Мемлекеттік кірістер басқармасы» РММ, Мемлекеттік қызмет істері департаментінің өкілдері және «Евразия өмірді сақтандыру компаниясы», «Стеклоцентр-2008» ЖШС, «Қостанай облысы әкімдігінің білім басқармасы» мемлекеттік мекемесі, Қазақстан футбол федерациясының қауымдастығы.
Семинардың басты мәселесі - экономикалық бағыттағы түлектерді жұмысқа орналастыру. Институттың аға оқытушысы Жанара Тастемирова презентация жасап, экономикалық бағыттағы білім беру бағдарламалары туралы айтты. Кафедралар түлектерін жұмысқа орналастыру мақсатында жыл сайын түрлі іс-шаралар ұйымдастырып тұрады. Талқылау барысында экономикалық бағыттағы түлектерді жұмысқа орналастыру бойынша әрі қарайғы белсенді ынтымақтастық мүмкіндігі, сондай-ақ студенттер арасында еңбек нарығының жаңа талаптарына сәйкес түсіндіру жұмыстарын жүргізу қажеттілігі туралы шешім қабылданды.
