26 сәуірде П.Чужинов атындағы экономика және құқық институтының бастамасымен А.Байтұрсынов атындағы ҚӨУ-і, ҚР Сыбайлас жемқорлыққа қарсы іс-қимыл агенттігінің Қостанай облысы бойынша департаменті және облыс әкімдігінің білім басқармасы бірлесіп, Қостанай қаласындағы жалпы білім беретін мектептердің 9-11 сынып оқушылары мен колледж студенттері арасында сыбайлас жемқорлыққа қарсы олимпиада өткізді.
Олимпиада 3 кезең бойынша өтті: ұғымдардың сәйкестігі – терминдер мен оның анықтамасын дұрыс анықтау, берілген тақырып бойынша сөйлеу шеберлігі, сыбайлас жемқорлыққа қарсы мәдениетті қалыптастыру тақырыбына эссе жазу.
Қатысушылар сыбайлас жемқорлыққа қарсы заңды жоғары деңгейде білетіндіктерін, сыбайлас жемқорлыққа қарсы күрестің заманауи әдістеріне қызығушылықтарын, сондай-ақ өздерінің көпшілік алдында сөйлеу қабілеттерін көрсетті.
Үш байқаудың қорытындысы бойынша қазылар алқасы жеңімпаздарды анықтады, олар:
1 орын – Аружан Болатқызы, С.Мәуленов атындағы мектеп-гимназиясының 9-сынып оқушысы;
2 орын – Виталий Овчинников, Қостанай политехникалық жоғары колледжінің 1 курс студенті;
3 орын - Сансызбай Арықпанов, С.Мәуленов атындағы мектеп-гимназиясының 9-сынып оқушысы.
Олимпиада жеңімпаздарын құттықтаймыз!
