«Туризм» мамандығының 2 курс студенттері Қазақстан халықтарының бірлігі және Жеңіс күніне арналған квест ұйымдастырды. Онда В.Двуреченский атындағы ауылшаруашылық институтының, А.Айтмұхамбетов атындағы инженерлік-техникалық институтының және Ө.Сұлтанғазин атындағы педагогикалық институтының студенттері қатысты. Барлығы 13 команда.
Іс-шараның мақсаты – студенттердің динамикалық белсенділігін дамыту; қатысушылар арасында патриоттық сезімді қалыптастыру; оқушылардың туған өлкенің, Қостанай қаласының тарихына деген қызығушылығын арттыру; бір-біріне деген құрмет сезімін, жауапкершілік сезімін, айналасындағыларға мұқият қарауды тәрбиелеу.
Жалпы командалық ойын нәтижесінде бірінші орынды В.Двуреченский атындағы ауылшаруашылық институтының «First» командасы иеленді. А.Айтмұхамбетов атындағы инженерлік-техникалық институтының «АПП» командасына екінші орын берілді. Үшінші орын Ө.Сұлтанғазин атындағы Педагогикалық институтының «Пилигримы» командасына бұйырды.
Институт кестесінде І орынды В.Двуреченский атындағы ауылшаруашылық институты иеленді, ІІ орынды У.Сұлтанғазин атындағы педагогикалық институты мен А.Айтмұхамбетов атындағы инженерлік-техникалық институт өзара бөлісті.
