2022 жылдың 2 қазанында Қостанай қаласы әкімдігінің мәдениет, тілдерді дамыту, дене шынықтыру және спорт бөлімдері, сондай-ақ «Қостанай» велоқоғамдастығы Ұстаздар күніне арналған қалалық велошеру өткізді. Оған А.Байтұрсынұлы атындағы ҚӨУ-нің П.Чужинов атындағы Экономика және құқық институтының директоры Әлібек Табулденов бастаған университет қызметкерлері мен студенттері қатысты.
Велошеруге қатысушылар шахмат клубынан бастап, Қазақстан Республикасы Тәуелсіздігінің 25 жылдығы саябағына дейінгі қашықтықты жүріп өтті, жалпы қашықтық - 15 шақырым.
Университет қызметкерлері мен студенттері мемлекеттік, республикалық және кәсіби мерекелер мен іс-шараларға байланысты ұйымдастырылған қалалық және облыстық деңгейдегі түрлі велошерулерге жиі қатысып тұрады.
