Қостанай облысы әкімдігінің Қоғамдық даму басқармасы мен Республикалық «Жас Отан» Жастар қанаты қоры «Қостанай облысының жастар жобалары – 2023» Thinkathon байқауының қорытындысын шығарды.
Байқаудың мақсаты – 2023 жылға арналған өңірлік жастар саясатын іске асыру саласында мемлекеттік әлеуметтік тапсырыс жобаларын қалыптастыру бойынша идеялар мен ұсыныстарды жинақтау. Оған облыс студенттері мен жас көшбасшылар қатысты.
Жарысқа барлығы 8 команда қатысты, А.Байтұрсынов атындағы ҚӨУ-нің намысын 3 команда қорғады. Олардың барлығы университет студенттеріне кәсіпкерлік негіздерін дамытуға және стартап жобаларға қатысуға көмектесетін Enactus Baitursynov студенттік клубының мүшелері.
Сайыс 5 кезең бойынша өтті. Жеребе арқылы жобалардың тақырыбы, дайындық және командалардың өнер көрсету уақыты анықталды.
Нәтижесінде ҚӨУ-нің «СЛАВНЫЕ ПАРНИ» командасы 2 орынға ие болды. Эрик Бусыгин мен («Психология» ББ-ның 3-курс студенті), Алишер Мирамов («Шетел филологиясы» ББ, 3-курс) және Никита Сиденко (2-курс, «Шетел тілі: екі шет тілі» ББ) MARWIN дүкенінің сертификатымен марапатталды.
Команда құрамын жүлделі орынмен құттықтап, жаңа жеңістер тілейміз!
