Биыл қазақ баспасөзінің баһадүрі, саңлақ жазушы, журналист Шерхан Мұртазаның тоқсан жылдық мерейтойы. Аталмыш мерейтой қарсаңында журналистика және менеджмент кафедрасының оқытушылары бірнеше іс-шаралар ұйымдастырды. Кафедра оқытушылары Амангүл Өстемірова мен Айсұлу Мұханбетжанова «Қазақ журналистикасының тарихы» пәні аясында оқу топтарында ашық дәрістер өткізді.
Қостанай облысының танымал журналисі, облыстық «Қостанай таңы» газетінің бас редакторы қызметін атқарған Жанұзақ Аязбеков студенттермен Шерхан Мұртаза туралы естеліктерімен бөлісті.
Ш. Мұртазаның қазақстандық журналистиканың дамуына зор үлес қосқаны белгілі, ал газет өндірісін басқару өнері оның есімін аңызға айналдырды. Сонымен қатар, ол көптеген танымал балалар ертегілерінің аудармаларының авторы. Өзі Шыңғыс Айтматовтың барлық шығармаларын қазақ тіліне аударғанын мақтан тұтты.
Студенттер белгілі журналист, жазушы және қоғам қайраткері Шерхан Мұртазаның өмірбаянымен, көптеген қызықты фактілермен танысты.
