12 наурыз, жұма күні Чужинов атындағы Экономика және құқық институты ZOOM платформасында кәсіптік бағдар беру жұмысы шеңберінде Рудный қаласының орта мектеп оқушыларымен кезекті онлайн-кездесу өткізді. Оқушыларға институтта жүзеге асырылатын білім беру бағдарламалары, институттың ғылыми әлеуеті туралы, студенттердің Еуропа мен ТМД елдерінде академиялық ұтқырлық бағдарламалары бойынша білім алу мүмкіндіктері туралы ақпарат ұсынылды. Сонымен қатар, мектеп оқушылары зертханалармен және мамандандырылған кабинеттермен таныстырылды, онда студенттер теориялық біліммен қатар практикалық дағдыларды игереді.
Студенттерге университеттегі жеңілдіктер жүйесі, студенттердің оқу орны шеңберіндегі белсенділіктері туралы айтылды. Кездесу барысында оқушылар әдеттегідей институттың «Құқықтану» және «Халықаралық құқық», «Экономика», «Қаржы», «Құқық және экономика негіздері», «Психология» және «Журналистика» білім беру бағдарламаларымен толығырақ танысу мүмкіндігіне ие болды.
Спикерлер мамандықтарды таныстыру барысында студенттер тәжірибеден өтіп жатқан ұйымдар жайында да баяндады.
