Өткен демалыс күндері А.Батұрсынов атындағы ҚӨУ-нің пікірсайысшылары академик Е.Бөкетов атындағы Қарағанды мемлекеттік университетінің ректорының кубогы үшін «Тәуелсіздік бәрінен қымбат» KSU-CUP-VII пікірсайыс турниріне қатысты.
Семей, Нұр-Сұлтан, Алматы, Павлодар және Қостанай қалаларынан барлығы 64 сайыскер қатысып, 32 команда құрылды.
Республикалық турнирдің қорытындысы бойынша құрамына «Парасат» және «Ахмет ұрпақтары» клубтарының пікірсайысшылары кіретін Baitursynov university делегациясы үздік деп танылып, арнайы сыйлықтармен марапатталды.
Біздің студенттердің финалдық тартыстағы көрсеткіштері төмендегідей:
II орынды Мұратхан Шүйіншібаев пен Қаракөз Мақатова жеңіп алды, олар тәжірибесі 2 жылдан асатын «аға» пікірсайысшылар санатында өнер көрсетті.
Бір жылға дейінгі тәжірибесі бар пікірсайысшылар арасындағы сайыста Зухра Балахмет пен Қымбат Амангелдинаның «Aпология Абсурда» фракциясы екінші орынға ие болды.
Жаңадан келген «Фиксимотики» командасы Анель Пимичева мен Дильназ Бектөре турнирдің финалына өтті.
