Ұлттық мереке Республика күні аясында Қостанай өңірлік университетінде біршама іс-шаралар өтті. Шаралардың барлығы студенттерді татулыққа, бірлікке, патриоттыққа баулу мақсатында ұйымдастырылды.
Эконоика және құқық институтының Әлеуметтік-гуманитарлық пәндер кафедрасы Л.Толстой атындағы облыстық әмбебап ғылыми кітапханасымен бірлесіп, «Болашаққа ұмтылған ел» атты іс-шара өткізді. Онда «Менің Қазақстаным – мақтанышым!» патриоттық челленджі, кітап көрмесі ұсынылды. Сондай-ақ туған жердің әсем көркін дәріптейтін музыкалық нөмірлер орындалып, отанға деген сүйіспеншілікті жеткізетін әсерлі өлеңдер оқылды.
Арнайы қонақ, Әлеуметтік-гуманитарлық пәндер кафедрасының аға оқытушысы, тарих ғылымдарының кандидаты Тобыл Жандәулетов Республика күнін мерекелеу тарихы жөнінде әңгілеп берді.
Қазанның 25-де Экономика және құқық институтының оқу залында Республика күніне орай «Қазақстан: тарих беттері» зияткерлік ойыны өтті. "НЕ? ҚАЙДА? ҚАШАН?" ойыны форматында өткен білім сайысы 3 раундтан тұрды.
Университеттің барлық институттарынан құралған командалар жақсы ойын көрсетті.
Нәтижесі төмендегідей:
Бірінші орынды 10 ұпаймен Экономика және құқық институтының «Фемида» командасы иеленді;
Екінші орынға 9 ұпаймен «ИТИ-стан» Инженерлік-техникалық институтының командасы лайықты деп танылды;
Үшінші орын 8 ұпай жинаған Ауылшаруашылық институтының «Счастье от ума» командасына тиесілі;
Төртінші орында 7 ұпаймен Педагогикалық институттың «Педанты» командасы.
Командалардың жинаған ұпайлары институттардың белсенділік рейтингісіне қосылады.
