Кеше А. Байтұрсынов атындағы Қостанай өңірлік университетінде ректор кубогы үшін КВН лигасының фестивалі өтті.
Дәстүр бойынша ойын екі байқаудан тұрды – Визит карточкасы және 5 жаңалық. Ректор кубогына институттардың 3 құрама командалары тартысты: педагогикалық институттың командасы – «Макарена», экономика және құқық институтының командасы – «Тойхана», инженерлік-техникалық және ауыл шаруашылығы институттарының құрамасы – «3 на 3».
Кешті облысымыздағы мықты әзілкештердің бірі, университетіміздің түлегі Арман Есмағамбетов жүргізді.
Кубокты экономика және құқық институтының «Тойхана» КВН командасы жеңіп алды.
Үздік актер номинациясы «3 на 3» командасының ойыншысы Дамир Қасымтаевқа берілді. Ал үздік актриса – «Макарена» командасының мүшесі Дарья Стоногина.
Командаларға шығармашылық шабыт тілейміз, жеңістеріңіз көп болсын!
