Бүгін психология кафедрасының кураторлары 1-4 курс студенттері үшін Психологтар күні кәсіби мерекесіне орай іс-шара ұйымдастырды.
Іс-шараны кураторлар Нұргүл Әубәкірова, Айна Рахматулина, Ольга Шорникова жүргізді. Студенттер «Психология кеше» (3 курс), «Психология бүгін» (2 курс) және «Болашақтағы психология» (1 курс) тақырыптарында презентациялар дайындады.
Психологияның ғылым ретінде және психологтардың маман ретінде даму тарихын «Психология» мамандығының қазақ және орыс бөлімдерінің 3 курс студенттері айтып берді.
Әрі қарай жүргізушілер психология саласындағы маңызды даталарға қатысты және студенттердің қазақстандық психологтар туралы білімдерін тексеретін шағын викторина өткізді. Сонымен қатар оларға кішігірім интерактив ұсынылды, онда жүргізушілердің сөздеріне ыммен немесе смайликтермен реакция көрсету керек болды.
Содан кейін «Болашақтағы психолог» туралы өз көзқарастарын ұсынған 1 курс студенттеріне сөз берілді.
Іс-шара соңында «Психология» мамандығының эдвайзері Олеся Елчищеваға сөз берілді, ол студенттерді кафедра атынан құттықтап, ең белсенді деген студенттерді атап өтті.
