А.Айтмұхамбетов атындағы Инженерлік техникалық институтында Хан тәңірінің мұзбалағы, тау тұлғалы талант, дарынды дарабоз, «Ғасыр ақыны» атанған ақиық ақын – Мұқағали Мақатаевтың 90-жылдығына арналған «Поэзия» кеші өтті.
А.Байтұрсынов атындағы ҚӨУ-нiң студенттерi қатысқан «Поэзия кеші» екі тілде және 3 бағытта өтті:
1️⃣Мұқағали шығармаларын мәнерлеп оқу;
2️⃣ Еркін тақырып, яғни кез-келген ақынның шығармасын мәнерлеп оқу;
3️⃣ Авторлық шығармасын оқу.
Байқауға қашықтықта онлайн бiлiм алып жатқан студенттер де қатысты.
«Поэзия кеші» байқауының қазылар алқасының қатарында оқу ордамыздың қызметкерлерімен қатар, Ілияс Омаров атындағы Қазақ драма театрының режиссері Дос Құбаш болды. Әділ қазылар студенттердің актерлік және өлеңді нақышына келтіріп оқи білу шеберліктерін сынады. Бір айта кетерлігі, студенттердің дайындығы жақсы екен.
Мұқағали шығармаларын мәнерлеп оқу байқауының жеңімпаздары:
1️⃣ Көркем Сапарғали – Математика мамандығының 2-курс студенті;
2️⃣ Сабина Қадыржанова – Математика мамандығының 2-курс студенті;
3️⃣ Татьяна Баранова – Математика мамандығының 1-курс студенті.
Авторлық шығармаларын мәнерлеп оқуда үздік деп танылғандар:
1️⃣ Жанар Толыбай – Биология және химия мамандығының 1-курс студенті;
2️⃣ Гүлсезім Қуанышбаева – Қазақ тілі және әдебиеті мамандығы, 1- курс;
3️⃣ Айым Мешітбай – Қазақ тілі және әдебиеті мамандығы, 1- курс (онлайн қатысушы).
Еркін тақырып, яғни кез-келген ақынның шығармасын мәнерлеп оқу бағыты бойынша жеңіске жеткендер:
1️⃣ Нұргүл Құрбанбек – Ақпараттық жүйелер мамандығының 2-курс студенті;
2️⃣ Алина Борунова – Ақпараттық жүйелер мамандығының 2-курс студенті;
3️⃣ Азиза Бабашева – Ветеринарлық медицина мамандығының 5-курс студенті.
