Қорған облысы Журналистер одағының төрайымы Ирина Борисова және «ТоболИнфо» ақпарат агенттігінің бас редакторы Александра Сергазинова «Тың игеру Ресей мен Қазақстанның тарихи жадында» жобасы аясында журналистика және коммуникация менеджменті кафедрасының студенттерімен және оқытушыларымен кездесті. Қорған Журналистер Одағы – жобаның жетекшісі.
Жобаның мақсаты – 2022 жылға дейін энциклопедиялық кітап шығару, оған 1500 тың игерушілердің есімі енеді. Ақпарат жинау басталды және 2021 жылдың қыркүйегіне дейін жалғасады.
Ирина Борисова жобаны іске асыру үшін А.Байтұрсынов атындағы ҚӨУ мен Қорған мемлекеттік университеті студенттерін қатыстыруды ұсынды, олар ақпарат жинап, тыңигерушілермен сұхбаттасады. Ең белсенділері осы жазға жоспарланған экспедицияға қатыса алады. Экспедиция құрамына 18 адамнан құралған 2 аралас топ кіреді, әр топта 14-15 студент, бір оқытушы және практик журналист болады. Олар Қостанай және Қорған облыстарына 2 сапар жасайды. Кафедра экспедицияға қатысуға ниет білдірген студенттердің арасынан таңдайды.
Сонымен қатар, осы жоба аясында студенттер арасында ең жақсы ғылыми жұмысқа, ең жақсы материалға байқау өткізу жоспарланған. Барлық қаржылық шығындар – жататын орын, тамақтану, жол жүру шығындары жоба есебінен жүзеге асырылады.
Қостанай мен Қорған университеттері бұдан әрі де ынтымақтастықты жоспарлап отыр. Осы жылдың сәуір айында екі университеттің кафедралары арасында меморандумға қол қойылады.
