І.Омаров атындағы Қостанай облыстық қазақ драма театры мен А.Байтұрсынов атындағы Қостанай өңірлік университеті арасында өзара келісім жасалды
Бұл меморандум біздің университетіміздің талантты жастары үшін үлкен перспективалар мен мүмкіндіктерге жол ашады.
Меморандум кәсіби дамудың, таланттарды ашудың жаңа деңгейін ашады және актерлік, шешендік шеберлік, хореография сияқты құзыреттерді қалыптастырады. Дәл осы дағдыларды біз soft skills деп атаймыз - тіл тапқыштыққа, командада жұмыс істей білуге, креативтілікке үйрететін және ең бастысы, табысты болуға мүмкіндік беретін әмбебап құзыреттер.
Қазіргі уақытта университет профессорлары мен жетекші актерлер қосымшаз білім беру бағдарламасын жүзеге асыру үшін білім траекториясы бойынша бірлесіп жұмыс жасайтын болады.
Осылайша, І.Омаров атындағы театр КӨУ студенттерінің шығармашылық практикасының алаңына айналады. Бұл дегеніміз, драмалық театр кадр резервін жаңарта отырып, өз жобалары үшін үздік әртістерді таңдай алады.
Жақын арада дарынды және шығармашыл жастарды іріктеуге кастинг жарияланады. Барлық сұрақтар бойынша Сіз Жастар саясаты мәселелері жөніндегі Департаментке, 8 (7142) 55-85-19 телефонына хабарласа аласыз.
