Болашақ студенттермен кездесулер жалғасуда. 25 желтоқсанда Қостанай қаласының №19, 22, 23 орта мектептерінің бітіруші сынып оқушыларымен ZOOM платформасында кездесу өтті.
Кездесудің модераторы Чужинов атындағы экономика және құқық институты директорының Мансап және жұмыспен қамту жөніндегі орынбасары Елена Васильчук институттың құрылу тарихы туралы айтты, спикерлерді таныстырды.
Институт директоры Әлібек Табылденов оқушылардың назарына біздің институттың қызметі туралы, сонымен қатар экономика және құқық институтында білім алатын студенттердің болашақтағы мүмкіндіктері жайлы ақпаратпен бөлісті.
Содан кейін спикерлер институттың білім беру бағдарламаларын ұсынды.
Алдымен әлеуметтік бағыттағы білім беру бағдарламалары оқушылар назарына ұсынылды. «Психология» білім беру бағдарламасы бойынша ақпаратты оқушыларға Психология кафедрасының доценті, педагогика ғылымдарының кандидаты Ирина Пархоменко ұсынды.
«Журналистика» білім беру бағдарламасын журналистика және коммуникациялық менеджмент кафедрасының оқытушысы, Филология ғылымдарының кандидаты Светлана Машкова таныстырды.
Сонымен қатар оқушыларға «Құқықтану», «Халықаралық құқық» заң бағытының білім беру бағдарламалары туралы ақпарат берілді. Аталған білім беру бағдарламаларының артықшылықтары жайлы Азаматтық құқық және іс жүргізу кафедрасының доценті Юрий Симинин әңгімеледі.
Содан кейін «Менеджмент», «Маркетинг», «Есеп және аудит», «Мемлекеттік және жергілікті басқару» мамандықтары бойынша бухгалтерлік есеп және басқару кафедрасының меңгерушісі, PhD докторы Айдар Байкин баяндады.
Экономика бағытындағы білім беру бағдарламаларын, «экономика», «қаржы», «құқық және экономика негіздері» мамандықтарын Экономика және қаржы кафедрасының меңгерушісі, экономика ғылымдарының кандидаты Дина Кенжебекова ұсынды.
Кездесу соңында оқушыларға тәрбие жұмысы, студенттік өмір, оқу орнында өткізілетін іс-шаралар туралы ақпарат берілді. Сонымен қатар, гранттар, жеңілдіктер және оқу ақысын төлеу бойынша жеңілдіктер туралы да айтылды. Бұл ақпаратпен директордың тәрбие ісі жөніндегі орынбасары Орал Такиров бөлісті.
Барлық қойылған сұрақтарға институт оқытушылары толық жауап берді. Сонымен қатар, оқушыларға Институт пен университеттің әлеуметтік желілеріне сілтемелер жіберілді.
