«Туған елге тағзым» жобасы аясында А.Байтұрсынов атындағы ҚӨУ-не Назарбаев Зияткерлік мектебінің оқушылары келді.
Кәсіптік бағдар беру бөлімінің басшысы Орал Такиров оқушыларды оқу орнының қысқаша тарихымен таныстырды, академиялық институттар және білім беру бағдарламалары туралы ақпарат берді. Сонымен қатар Назарбаев мектебінің оқушылары оқу ордамыздың археологиялық зертханасында болды. Зертхана меңгерушісі Андрей Логвин студенттерге мұражайдағы тарихи жәдігерлер, ежелгі адамдардың оларды жасау әдістері жайында айтып берді. Сондай-ақ оқушылар археологиялық тәжірибе кезінде студенттер жүргізетін сәулет ескерткіштеріне қазба жұмыстарын жүргізу әдістемесімен танысты.
Одан кейін оқушылар өңірлік Smart-орталығында болды. Мұнда студенттер түрлі ғылыми жобалар жүзеге асырылатын ғылыми орталықтар мен кеңселерді аралады. Қолданбалы биотехнология ғылыми-зерттеу институтының қызметкерлері қонақтарға талдаулар мен мәліметтерді жинау, оларды әрі қарай зерттеу және түрлі ауруларды анықтау жұмыстарының қалай жүріп жатқанын айтып, іс жүзінде көрсетті.
