Бүгін А.Байтұрсынов атындағы Қостанай өңірлік университетінде 8 наурыз, Халықаралық әйелдер күніне арналған мерекелік концерт өтті.
Университет проректорларының жылы лебіздерінен кейін оқу ордамыздың арулары жоғары кәсіби шеберлігі мен адал еңбегі үшін ректордың мақтау қағазымен және алғыс хаттармен марапатталды.
Бүгінгі концерттің көркі - X-Factor тележобасының 8-ші маусымының жеңімпаздары «BRO» дуэті. Олар өздерінің бірнеше шығармаларын орындап, көрермендер ықыласына бөленді.
Байқауда жеңіске жеткен өнерпаз жігіттер шын мәнінде халық қаһармандарына айналды: жобада дуэт тек өңіріміздің ғана емес, сонымен қатар біздің университетіміздің, өздері оқып жатқан өнер кафедрасының музыкалық білім беру бөлімінің абыройын асқақтатты. Университет дарынды жастарды қолдайды және барынша жағдай жасайды. Baitursynov university Түлектер қауымдастығы да оқу орнының талапты жастарының барлық бастамаларын қолдау, көмек көрсету мақсатында құрылды. Қауымдастық бүгін де шетте қалған жоқ, тележоба жеңімпаздары «BRO» дуэтіне 1 000 000 теңге сомасындағы сертификат және "Жеңімпаз" статуэткасын табыстады.
Іс-шараның салтанатты бөлігі концерттік бағдарламаға ауысты: сахнада құлақтан кіріп, бойды алар әсем әндер, әсерлі билер және әйелдер қауымына арналған құттықтаулар мен қошемет сөздер толастаған жоқ.
Қызметкерлер мен студенттерден құралған шығармашылық ұжымы көрермендерді әдемі мерекелік шарамен қуанышқа бөледі және залдағы барлық қатысушыларға мерекелік көңіл-күй, қуаныш пен жағымды эмоциялар сыйлады.
