ҚР Ғылым және жоғары білім министрлігі биылғы жылы ұлттық мереке мәртебесінде аталып өтілетін Қазақстан Республикасы күніне орай «Менің арманымдағы Қазақстан» тақырыбында эссе байқауын жариялайды.
Байқау жастардың азаматтық сана-сезімін дамытуға, ел тағдырына деген адалдық пен оның болашағына жауапкершілік сезімін оятуға бағытталған. «Менің арманымдағы Қазақстан» тақырыбындағы шығармашылық жұмыстар автордың Қазақстанның болашағына деген көзқарасы мен өзіндік пікірін және арманындағы Қазақстанның қалыптасуына қатысын көрсетуі керек.
Сайысқа студенттер, магистранттар және жастардың қоғамдық ұйымдары қатыса алады.
Шығарманы үш тілде қазақ, орыс және ағылшын тілдерінде жазуға мүмкіндік бар.
Байқау екі кезеңде өтеді. Біріншісі, университетішілік кезең 2022 жылдың 15 қазанына дейін жалғасады. Сайысқа қатысуға ниетті студенттер мен магистранттар конкурстық жұмыстарын 15 қазаннан кешіктірмей «КОНКУРС» белгісімен crmi_ksu@mail.ru электронды поштасына жіберулері қажет.
Университетішілік кезеңнің қорытындысы бойынша ең үздік жұмыстар республикалық байқауға жіберіледі.
Байқау шарттарымен МЫНА сілтеме бойынша өтіп, толығырақ таныса аласыздар.
