Қыркүйек айынан бастап Практикалық психология орталығы психология кафедрасының оқытушыларымен бірлесіп, қала және аудан мектептерінің 9-11 сынып оқушыларымен онлайн және офлайн форматта кездесулер өткізуде. Қазан айында Қостанай қаласының №17, №1, №18 мектептерінің оқушыларымен кездесті. Дәл осындай кездесулер қараша айында Жангелді ауданындағы Ы.Алтынсарин атындағы мектеп пен №1 Ұзынкөл орта мектебінің түлектерімен де өтті. Оқушыларға университеттегі мүмкіндіктер мен ББ туралы психология кафедрасының меңгерушісі Ләзат Ордабаева мен Практикалық психология орталығының жетекшісі Роза Жанғалиева айтып берді.
Түлектермен жеке тілдесу барысында университетті таныстырумен қатар, жоғары сынып оқушыларының көкейіндегі маңызды сұрақтарға жауап беру мүмкіндігі болды. Мектеп оқушыларының мамандық таңдауда жіберетін қателіктері туралы да айтылды. Сондай-ақ олардың мамандықты дұрыс таңдауына ықпал ететін факторлар туралы сөз қозғалды.
