Болашақ студенттермен кездесулер жалғасуда. 15 желтоқсанда Қостанай қаласының № 9, 10 орта мектептерінің бітіруші сынып оқушыларымен кездесу әдеттегідей ZOOM платформасында өтті. Қатысқан оқушылар саны 70 адамды құрады.
Кездесу модераторы: Елена Васильчук – Чужинов атындағы Экономика және құқық институты директорының мансап және жұмысқа орналастыру жөніндегі орынбасары.
Институт директоры Әлібек Табылденов институтттың тарихы туралы ақпарат берді.
Содан кейін спикерлер институттың білім беру бағдарламаларын ұсынды.
Бірінші кезекте әлеуметтік бағыттағы білім беру бағдарламалары ұсынылды. «Психология» білім беру бағдарламасы бойынша ақпаратты оқушыларға психология кафедрасының аға оқытушысы, педагогика ғылымдарының магистрі Нұргүл Әубәкірова таныстырды.
«Журналистика» білім беру бағдарламасының артықшылықтары мен қоғам өміріндегі маңызы жайлы Журналистика және коммуникациялық менеджмент кафедрасының аға оқытушысы, әлеуметтік ғылымдар магистрі Гүлнұр Кәкімбек айтып берді.
Экономика бағытындағы мамандықтар туралы экономика және қаржы кафедрасының доценті, экономика ғылымдарының кандидаты Сетқали Төрежанов баяндады. Сетқали Оразович оқушылардың назарына «экономика», «қаржы», «құқық және экономика негіздері» білім беру бағдарламаларын ұсынды.
Содан кейін «Менеджмент», «Маркетинг», «Есеп және аудит», «Мемлекеттік және жергілікті басқару» ББ жайында ақпарат берілді. Аталған мамандықтар бойынша бухгалтерлік есеп және басқару кафедрасының аға оқытушысы Жұмагүл Кажикова айтты.
Сонымен қатар оқушыларға «Құқықтану», «Халықаралық құқық» заң бағытының білім беру бағдарламалары туралы ақпарат берілді. Аталған білім беру бағдарламалары туралы ақпаратты қылмыстық құқық және процесс кафедрасының аға оқытушысы Айнұр Майсатаева ұсынды.
Барлық қойылған сұрақтарға институт оқытушылары толық жауап берді. Сонымен қатар, оқушыларға Институт пен университеттің әлеуметтік желілеріне сілтемелер берілді.
