2021 жылдың 1 наурызында П.Чужинов атындағы экономика және құқық институтында «Мамандық студенттің көзімен» атты видео байқау жарияланған болатын. Сайыс өз мәресіне жетті.
Байқаудың ұйымдастырушылары - экономика және қаржы, сонымен қатар бухгалтерлік есеп және менеджмент кафедрасы. Конкурсқа институттың барлық мамандықтарының студенттері қатысты.
Конкурстың мақсаты – институт мамандықтарын кеңінен насихаттау. Сондай-ақ қазіргі қарқынды дамып жатқан әлем жағдайында белгілі бір мамандыққа деген сұраныс көрсетілді.
Конкурстық комиссия отырысында үздік бейне-роликтер анықталды. Комиссия құрамында институт директоры Әлібек Табулденов, директордың тәрбие ісі жөніндегі орынбасары Орал Такиров, университеттің Медиа-қызметінің қызметкері Қуаныш Жанғожин болды.
Байқауға ұсынылған 10 бейнероликтің ішінен үздік 3 ролик таңдалып алынды:
1-орын – Бухгалтерлік есеп және басқару кафедрасының командасы;
2 орын - Экономика және қаржы кафедрасының командасы;
3 орын - Журналистика және коммуникациялық менеджмент кафедрасының командасы.
Сонымен қатар байқаудың модераторлары Диана Ракпанова мен Диана Мұратованы атап өткен жөн, олар байқау барысында бейнематериалдар, өтініштер жинады, конкурстың ережелерін түсіндіретін консультациялық жұмыстар жүргізді.
