Қазақстан Республикасы Тәуелсіздігінің 30 жылдығына орайластырылып ұйымдастырылған «MAGIC VOICE» вокалдық конкурсының жеңімпаздары анықталды. Конкурсқа қатысуға барлығы 21 студент өтініш білдірді. Олардың арасында кастинг ұйымдастырылып, 7 үздік деген әнші финалдық байқауға жолдама алды.
Сайыскерлерге өткен жылғы «ҚМПУ дауысы» вокалдық байқауының жүлдегерлері тәлімгерлік жасап, екі жеті бойы ақтық сынға дайындады. Әр шығармашылық нөмір студенттің вокалдық қабілетін ғана емес, сонымен қатар актерлік шеберлігін, хореографиялық мүмкіндіктерін ашты.
Екі апта бойы Instagram-да дауыс беру өтті. Нәтижесінде ең көп дауыс жинаған «химия-биология» мамандығының 1 курс студенті Шерхан Нұрханұлы «Көрермендер көзайымы сыйлығын» алды.
3 орын «Аграрлық техника және технология» мамандығының 3 курс студенті Жанболат Жандильдинге бұйырды. 2 орынға «Шет тілдері: 2 шет тілі» мамандығының 1 курс студенті Зарина Майканова лайықты деп танылды. Ал бас жүлде, 1 орын «Музыкалық білім» мамандығының 1 курс студенті Данель Баймұхановаға берілді.
Байқау лауреаттары 1, 2, 3 дәрежелі дипломдармен және бағалы сыйлықтармен марапатталды, байқаудың басқа қатысушыларына «қатысқаны үшін» дипломдар табысталды.
