11 наурыз күні А.Айтмұхамбетов атындағы Инженерлік-техникалық институтында ITIGAME клубының ұйымдастыруымен «Мафия» ойыны және «Mortal Kombat X» компьютерлік ойынынан турнир өтті.
Студенттердің бұл ойынды қалай жақсы көретіні бәрімізге белгілі. Бірінші болып өткен «Mortal Kombat» турниріне 16 ойыншы қатысты. Олардың арасынан үздік деп танылып, ақтық сынға жолдама алған Абай Сибембай (2 курс) мен Айбек Асқаров (3 курс) финалдық ойында да керемет ойын көрсетті. Бұл ойынның жеңімпазы – Айбек Асқаров. Ал «Мафия» ойынында 1 курс студенті Анна Щербань «Үздік ойыншы» атанды. Жеңімпаздар мақтау қағаздарымен және тәтті сыйлықтармен марапатталды.
