«Қоғамдық-гуманитарлық пәндерді оқытудың өзекті мәселелері: дәстүрлер мен инновациялар» - ZOOM платформасында өткен Экономика және құқық институтының философия кафедрасының және Ө.Сұлтанғазин атындағы Педагогикалық институтының Қазақстан тарихы кафедрасының ұйымдастыруымен өткен халықаралық дөңгелек үстелдің тақырыбы осындай.
Дөңгелек үстелдің модераторлары: философия ғылымдарының кандидаты, доцент Денис Качеев (философия кафедрасы) және әлеуметтік ғылымдар магистрі, аға оқытушы Ақмарал Ералина (Қазақстан тарихы кафедрасы). Пікірталас барысында қазіргі жағдайдағы білім беру процесін оқу-әдістемелік қамтамасыз ету, курстардың әдістемесін онлайн оқыту форматына бейімдеу, Қазақстан тарихы және философия кафедраларының оқу процесінде электрондық мазмұнды қолдану, әлеуметтік-гуманитарлық пәндерді оқытудағы жаңа тәсілдер мәселелері қарастырылды.
Іс-шараға А.Байтұрсынов атындағы Қостанай өңірлік университетінің атынан Философия кафедрасының меңгерушісі, PhD доктор, Оралбай Қабыл; философия ғылымдарының докторы, профессор Сафар Қолдыбаев; философия ғылымдарының кандидаты, доцент Юрий Бондаренко; тарих ғылымдарының магистрі, аға оқытушы Айнаш Анасова; тарих ғылымдарының магистрі, аға оқытушы Гүлдана Тастекова қатысты.
Дөңгелек үстелдің шетелдік қонақтары: Марат Чистанов - философия докторы, Н.Ф. Катанов атындағы Хакас мемлекеттік университетінің философия және мәдениеттану кафедрасының меңгерушісі; Валентина Асохакова - тарих ғылымдарының докторы, Н.Ф. Катанов атындағы Хакас мемлекеттік университетінің Ресей тарихы кафедрасының меңгерушісі; Клавдия Султанбаева - Н.Ф. Катанов атындағы Хакас мемлекеттік университеті, Үздіксіз педагогикалық білім беру институтының мектепке дейінгі және арнайы білім беру кафедрасының профессоры; Валентина Мансурова - Н.Ф. Катанов атындағы ХМУ-нің Жалпы тарих кафедрасының аға оқытушысы.
Дөңгелек үстел барысында қоғамдық-гуманитарлық білімнің тұжырымдамалық негіздері және пандемия жағдайындағы адамгершілік мәселелері туралы теориялық баяндамалар тыңдалды, сонымен қатар жаңа цифрлық платформалар мен білім беру процесінде қолданылатын оқыту әдістері туралы тәжірибеге бағытталған хабарламалар жасалды.
