Кәсіптік бағдар беру жұмысы шеңберінде П.Чужинов атындағы экономика және құқық институты Қостанай облысының мектеп түлектерімен кездесулер өткізуді жалғастыруда. 15 сәуірде Институт өкілдері Мендығара ауданы, Боровское ауылының мектеп оқушыларымен кездесті.
Экономика және құқық институтының директоры Әлібек Табулденов, директордың тәрбие жұмысы жөніндегі орынбасары Орал Такиров, есеп және менеджмент кафедрасының меңгерушісі Айдар Байкин мектеп түлектеріне университеттегі білім беру бағдарламалары, қоғамдық, студенттік өмір жайлы ақпарат берді. Университет өкілдері аудан орталығының үш мектебінде болды: Ахметказа Чутаев атындағы Боровское орта мектебінде, Ғаббас Жұмабаев атындағы мектеп-гимназияда және Первомайск орта мектебінде. Студенттердің академиялық ұтқырлығы, тәжірибеге бағытталған сабақтар, кәсіпорындармен, әр түрлі деңгейдегі құрылымдармен ынтымақтастық әңгіме өзегіне айналды.
Сондай-ақ студенттердің назарына оқу ақысына жеңілдіктер мен университет қабырғасындағы студенттердің өмірі туралы айтылды. Кездесу соңында әр студент Университеттің ақпараттық буклетін алып, университеттің «Univer Life» журналымен таныстырылды.
