Наурыз мейрамын бірінші болып П.Чужинов атындағы экономика және құқық институты тойлады.
Институт басшылығы мен студенттері университет оқытушыларына, қызметкерлеріне және студенттеріне мерекелік көңі-күй сыйлады.
Жұмыс аптасының бірінші күні оқу орны қызметкерлері үшін ерекше басталды: институт студенттері оларды күмбірлеген күймен, қазақтың сары бауырсағымен, түрлі тәттілермен қарсы алды. Ұлттық нақышта киінген институт басшылығы жұмысқа келіп жатқан әріптестерін қарсы алып, оларды Наурыз мерекесімен құттықтады, жылы лебіздерін білдірді.
Сәлемдесуді аяқтағаннан кейін 1 курс студенттері директордың тәрбие ісі жөніндегі орынбасарымен бірге университет ғимаратын аралап, оқу ордасы ұжымына ұлттық тағамдардан ауыз тигізді.
Түстен кейін студенттер «Жайлау күні» аясында университет аумағын қардан тазарту сенбілігіне қатысты.
