13 наурыз бен 30 сәуір аралығында Франкофондық көктем маусымы аясында Бельгия, Канада, Франция, Марокко, Румыния және Швейцария елшіліктері Қазақстанның француз альянстары желісі және франкофондық қауымдастықтарымен, сонымен қатар А.Байтұрсынов атындағы ҚӨУ-нің Француз орталығымен бірлесіп ұйымдастырған іс-шараларға қатысуға шақырады.
Франкофондық көктем – бұл франкотілді елдер мәдениетінің фестивалі. Халықаралық Франкофония ұйымының міндеттері - француз тілі мен мәдени және тілдік әртүрлілікті таныту, бейбітшілікті, демократияны, адам құқықтарын, білім беруді және тұрақты дамуды қолдау.
Қазақстанда «Франкофондық көктем-2021» бағдарламасы аясында 50-ге жуық мәдени іс-шаралар өтеді. Бұл тегін фильмдер көрсетілімдері, мәдениет қайраткерлерімен кездесулер, виртуалды турлар мен педагогикалық форум, музыка мен жазушылық конкурстар, соның ішінде он-лайн режимінде өтетін франкофониялық дәстүрлі ән байқауы, сондай-ақ футбол тақырыбындағы жарыстар.
Сондай-ақ, барлық санитарлық нормаларға сәйкес өткізілетін оффлайн шаралар форматында бірқатар іс-шаралар жоспарлануда. Олар: фильмдер көрсетілімдері, пікірталастар, әдеби ойындар.
Бағдарламамен танысу үшін төмендегі сілтеме бойынша өтіңіз:
https://www.culturefrance.kz/Frankofonnaya-vesna-2021?lang=ru
