Чужинов атындағы экономика және құқық институты мектеп оқушыларына кәсіптік бағдар беру жұмыстарын одан әрі жалғастырып келеді. Осы уақытқа дейін облысымыздағы көптеген мектептермен онлайн байланыс орнатылды. ҚӨУ-нің қызметкерлері мектеп түлектері алдындағы басты таңдауға көмектесіп, бағыт беріп келеді. Бүгін Институт Денисов ауданының түлектерімен кездесу өткізді. Аталмыш кездесуге 80-нен астам оқушылар қатысты.
Дәстүр бойынша студенттерге институт тарихы және білім беру бағдарламалары туралы ақпарат ұсынылды. Әсіресе студенттердің академиялық ұтқырлық бағдарламаларына назар аударылды. Оқушыларға институттың материалдық-техникалық базасы туралы айтылды. Бұл студенттер білім алып, практикалық тәжірибе жинақтайтын арнайы кабинеттер, зертханалар, жаттығу алаңдары. Сонымен қатар, кездесу қонақтарына университетте енгізілген қос дипломды білім беру жүйесі туралы ақпарат айтылды. Бұл ақпаратты оқушылар назарына директордың мансап және жұмыспен қамту жөніндегі орынбасары Елена Васильчук жеткізді.
Содан кейін студенттік өмірдің қызықтары жайында айтылды. Атап айтқанда, студенттердің өзін-өзі басқаруы, университеттегі студенттік клубтар, сондай-ақ гранттар жүйесі, жеңілдіктерге байланысты ақпарат берілді.
Кездесу соңында оқушыларға институттың әр білім беру бағдарламасы бойынша ақпарат ұсынылды.
