Қостанай облысы әкімдігінің Қоғамдық даму басқармасы мен Республикалық «Жас Отан» ЖҚ жыл қорытындысын шығарып, өңірдегі үздік пікірсайысшыларға «дебат тәжін» табыстады. Аталмыш іс-шарада облыс көлеміндегі мектеп, колледж және жоғары оқу орындары арасындағы үздік пікірсайысшылар анықталды. Марапат екі тілдік лига бойынша өтті. Қостанай өңірлік университетінің пікірсайысшылары байқаудың барлық номинацияларында жеңімпаздар қатарында:
Орыс лигалары бойынша «Жылдың үздік клубы» – «Ахмет ұрпақтары» пікірсайыс клубы, ал қазақ лигалары арасында – «Парасат» клубы.
«Жылдың үздік спикері» – орыс лигасында Диас Ержанов («Ахмет Ұрпақтары» пікірсайыс клубы), қазақ лигасында Қаракөз Мақатова («Парасат» пікірсайыс клубы).
«Үздік команда» – орыс лигасы бойынша Арман Башир мен Диас Сүлейменнің тандемі («Ахмет ұрпақтары» пікірсайыс клубы), ал қазақ лигасында бұл атаққа Мұратхан Шүйшінбаев пен Зухра Балахмет («Ахмет ұрпақтары» пікірсайыс клубы) ие болды.
«Жылдың үздік төрешілері» де ҚӨУ-нің студенттері, орыс лигасында Арман Башир («Ахмет Ұрпақтары» пікірсайыс клубы), қазақ лигалары арасында Оғабек Шамитдинов («Парасат» пікірсайыс клубы).
Сұлтан Қамбаров («Парасат» дебат клубы) «Жыл жаңалығы» атағын жеңіп алды.
Мектеп оқушылары арасындағы пікірсайыстың «үздік үйлестіруші» болып «Парасат» дебат клубының өкілі Аягөз Мақатова танылды.
Пікірсайысшыларымызды құттықтаймыз және алдағы уақытта да жеңістер тілейміз!
