Ағайынды Жазықпаевтар, «BRO» дуэті «X-Factor» телевизиялық жобасының 8-маусымының жеңімпазы танды. Жігіттер осы жеңіс үшін 7 апта бойы тер төкті. 12 сағаттан астам тікелей эфирдің және қажырлы еңбектің нәтижесінде жерлестеріміз көрермендер көңілінен шығып, ең көп дауысқа ие болды.
Ағайынды Бекболат пен Айдар, «BRO» дуэті «X FACTOR ҚАЗАҚСТАН» байқауының бірнеше айналымынан сүрінбей өтті. А.Байтұрсынов атындағы ҚӨУ-нің студенті Бекболат – жас болса да тәжірибесі бар әнші. Ол осы уақытқа дейін «алтын микрофон» байқауының Гран-приін қанжығасына байлаған, «Super Qala Kz» тележобасына және ТНТ арнасындағы «Песни» жобасының кастигіне қатысқан. Ол осыдан екі жыл бұрын да «X FACTOR ҚАЗАҚСТАН» байқауына қатысып көрген. Ал Айдар Жазықбаев ағасынан 4 жас кіші, сөйте тұра оның да музыка өнеріндегі жетістіктері аз емес, атап айтар болсақ, «Балалар дауысы. Қазақстан» және басқа да халықаралық жобаларда бақ сынап көрген, «Алтын микрофон» байқауының лауреаты атанған. Мұнымен қоса, ол Белоруссия елінде өткен «Под крыльями Ориона» байқауында топ жарды.
Жерлестеріміздің әр қадамын аңдап, жеңімпаз атануларын тілеп, барынша жанкүйер болған Қостанай облысының халқы «BRO» дуэтінің жеңісіне ортақ!
